Xunta del Llar

El muerganu previstu nel reglamentu réximen internu Xunta del Llar quedó afitau nel caberu conceyu del día 18 de febreru, como sigui: Toño, Pérez y Laura como miembros de la executiva del conceyu, xunto com Marcos y Hectos como socios del Llar.

Pa cualisquier aspectu de furrulamientu, propuesta o demás, dirixise a dalgún d'ellos.

Espicha el prósimu vienres 25 de febreru

El prósimu vienres 25 de febreru de magar les 20:00 fadrase una espicha nel Llar.

Dende equí queremos convidavos a toes y toos a participar; el preciu la mesma ye de cincu euros, bébora a parte y demientres la mesma aldericarase sobre la prósima presentación de conceyu abiertu a nivel llocal.

Un saludu

Conceyu d'Andecha Noreña y Sieru

El prósimu vienres 18 de febreru a les 19:30 hores en primera convocatoria y a les 20:00 hores en segunda, entamará el conceyu d'Andecha Noreña y Sieru, teniendo previsto finar pa les 22:00 hores.

Nesti conceyu van tratase fundamentalmente dos temas:

-Prósima espicha del 25 febreru

-Elleiciones municipales y nacionales.

Ruégase asistencia y puntualidá.

NOTA: Amás aprofitaremos pa organizanos p'asistir a la presentación de CONCEYU ABIERTU que se fadrá al díi que sigui en Xixón a les 13:00 hores.

FAESE PÚBLICU EL BLOGUE

Pretendiendo valga de preseu organizativu, dende güei faise públicu el blogue, asina cualisquiera podrá consultar horarios, actividaes, etc. y tamién facenos llegar propuestes y suxerencies.

Pal meyor aprofitamientu del blogue y especialmente del calendariu ye perimportante que aquelles persones que quieran recibir alertes d'eventos, apurran un correu elleutrónicu a la organización, pudiendo facelo al traviés de el.llar.ns@gmail.com